Forca Ajrore e SHBA dërgoi dronë MQ-9 Reaper dhe dhjetëra avionë në bazën ajrore 71 Campia Turzii në Rumaninë veriperëndimore për të kryer misione të inteligjencës, vëzhgimit dhe zbulimit në mbështetje për operacionet e NATO-s, njoftoi një sajt i mbrojtjes i SHBA.

“Pozicionimi i dronëve MQ-9 në këtë vend kyç strategjik siguron aleatët dhe partnerët tanë, ndërsa u dërgon një mesazh kundërshtarëve tanë, se ne mund t’i përgjigjemi shpejt çdo kërcënimi që shfaqet,” tha gjenerali Jeff Harrigian, komandanti i Forcave Ajrore të SHBA në Evropë dhe në Afrikë.

Dislokimi ishte plotësisht i koordinuar me qeverinë rumune. Shtetet e Bashkuara dhe Rumania mbajnë marrëdhënie të ngushta ushtarake si aleatë të NATO-s dhe bashkëpunojnë për një numër çështjesh të sigurisë rajonale.

Rumania, historikisht pro-amerikane, i sheh Shtetet e Bashkuara si një garantuese e stabilitetit dhe demokracisë në rajon përballë një Rusie gjithnjë e më armiqësore.

Rusia është shqetësuar thellë për dislokimin e dronëve spiun afër kufirit të saj./zyrtare/